Bydd Lantra, Cyngor Sgiliau Sector y DU ar gyfer yr amgylchedd a diwydiannau’r tir, yn agor drysau ei swyddfeydd unwaith eto ar faes y Sioe Fawr (20-23 Gorffennaf) ac yn gwahodd y cyhoedd i drafod eu hanghenion hyfforddi.
Yn dilyn llwyddiant y llynedd, bydd Lantra yn cynnal Parth Dysgu lle bydd darparwyr hyfforddiant o bob cwr o Gymru sy’n cynnig hyfforddiant ym meysydd yr amgylchedd a diwydiannau’r tir yn arddangos eu darpariaeth ac yn cynnig cyngor.
Meddai Kevin Thomas, Cyfarwyddwr Cenedlaethol Lantra yng Nghymru: “Mae’r diwydiant amaethyddol a diwydiannau’r tir yn hanfodol bwysig i Gymru – maent yn cyfrannu’n sylweddol at yr economi ac yn helpu i gynnal ein diwylliant. Mae gwaith ymchwil yn dangos bod sgiliau’n hollbwysig i sicrhau llwyddiant a hyd yn oed parhad busnesau, a bydd Lantra a’n partneriaid yn tynnu sylw at y cyfleoedd amrywiol sydd ar gael i fusnesau ac unigolion ddatblygu eu sgiliau a bod mor broffidiol â phosibl.”
